मैथिली गीता आ भाष्य - स्वामी स्वरूपानन्द कृत् गीताक अंग्रेजी अनुवाद संग टिप्पणीक मैथिली रूप

मैथिली गीता आ भाष्य

– अनुवादकः प्रवीण नारायण चौधरी

अत्यन्त सहज आ बोधगम्य मैथिली भाषा-शैली मे “मैथिली गीता आ भाष्य” प्रस्तुत कयल गेल अछि । मूल कृति अंग्रेजी मे स्वामी स्वरूपानन्द द्वारा कयल गेल अछि । अद्वैत् आश्रम केर प्रथम अध्यक्ष स्वामी स्वरूपानन्द जी केँ स्वामी विवेकानन्दक प्रथम उत्तराधिकारी मानिकय अद्वैत आश्रमक अध्यक्ष बनायल गेल छलन्हि । स्वामी विवेकानन्द रामकृष्ण परमहंस सँ प्रभावित भ’ शास्त्रक अध्ययन ओ विवेचना सँ पूरे संसार केँ परिचित करेबाक पैघ जिम्मेदारी उठौने रहथि । हुनकर मानब छलन्हि जे कोनो सिद्धान्त केँ आँखि मुनिकय विश्वास करबाक आवश्यकता नहि छैक, बरु एहि पर निरन्तर अध्ययन-शोध आ विमर्श करैत लोक अपन अनुभूति मे अदृश्य परमात्मा व हुनक शक्ति केँ स्वयं बुझबाक यत्न करथि । एहि सिद्धान्तक अनुयायी विद्वान् लेखक स्वामी स्वरूपानन्द जीक ई कृति १९९९ ई. मे काशी यात्राक क्रम मे ‘मुगलसराय स्टेशन’ (आब पंडित दीनदयाल उपाध्याय स्टेशन) पर हम बुक स्टाल सँ कीनने रही आ एहि गीताक अध्ययनक बहुत पैघ लाभ स्वयं भेटल हमरा । हम कतेको प्रकारक चमत्कारक दर्शन सेहो गीताक स्वाध्याय – एहि पोथीक अध्ययनक क्रम मे प्राप्त कयलहुँ । एकटा समय छल जखन कोनो तरहक मानसिक दुविधा किंवा परेशानी मे योगेश्वर श्री कृष्ण केँ ‘ॐ श्री परमात्मने नमः’ कहि प्रणाम करैत आँखि मुंदिकय जे पन्ना पलटाबी, ओतहि अनुकूल समाधान भेटि गेल करैत छल । गीताक महत्ता हम अपन शब्द मे बेसी कि गाउ, अहाँ सब एकर माहात्म्य स्वयं पढ़ब-गुनब त अपने आप बुझय मे आबि जायत । आस्था राखि हमरे जेकाँ स्वाध्याय करब त माहात्म्य मे कहल एक-एक बात केर स्वयं अनुभव करय लागब । सभक कल्याणक निमित्त मैथिली मे ई कार्य करैत अपन छोटकी बेटी देवांशीक प्रेरणा देबाक कारण ओकरा प्रथमतः लेकिन भावना आ अम्बिकाक संग हमर पुत्र प्रियशील केँ संयुक्त रूप सँ ई समर्पित कय रहल छी । सादर प्रणाम !!

विषय सूचीः (देल गेल लिंक पर क्लिक करू)

*सम्पूर्ण गीता – मूल अंग्रेजी अनुवाद – स्वामी स्वरूपानन्द

१. पहिल अध्यायः अर्जुनक शोक-चिन्ता – The Grief of Arjuna

२. दोसर अध्यायः ज्ञानक मार्ग – The Way of Knowledge

३. तेसर अध्यायः कर्मक मार्ग – The Way of Karma

४. चारिम अध्यायः ज्ञान मे कर्म सँ संन्यासक मार्ग – The Way of Renunciation of Action in Knowledge

५. पाँचम अध्यायः संन्यासक मार्ग – The Way of Renunciation

६. छठम अध्यायः योगक (ध्यानक) मार्ग – The Way of Meditation

७. सातम अध्यायः अनुभूतिक संग ज्ञानक मार्ग – The Way of Knowledge with Realisation

८. आठम अध्यायः अक्षर-ब्रह्मक मार्ग – The Way To the Imperishable Brahman

९. नवम अध्यायः राजसिक ज्ञान एवं राजसिक रहस्यक मार्ग – The Way of the Kingly Knowledge and the Kingly Secret

१०. दसम अध्यायः दिव्य महिमाक झलक – The Glimpses of the Divine Glory