मिथिला महासेनानी डा. बैजू केर चिकित्सक पुत्री हारि गेली कैन्सर सँ

काल्हि शुक्र दिन मई २७ तारीख अहलभोरे मिथिला राज्य आन्दोलनक महासेनानी डा० बैद्यनाथ चौधरी “बैजू” केर चिकित्सक पुत्री डा० पुतुल केर निधन टाटा मेमोरियल अस्पताल मे भS गेलनि। पैछला ४ वर्ष सँ ओ कैन्सर सनक खतरनाक रोग सँ संघर्ष कय रहल छलीह। हुनकर इलाज लेल स्वयं पिता बैजू मुम्बई मे तत्पर रहैत हर तरहक देखभाल करैत आबि रहल छलाह। परन्तु अन्ततोगत्वा ई भयावह रोग हुनक और्दा केँ सीमित करैत काल्हि एहि धाम सँ परधाम लेल विदाह कय देलक।