गोपाल मोहन मिश्र केर एकटा कथा “वायरल वीडियो !”

गोपाल मोहन मिश्र केर एकटा कथा “वायरल वीडियो !”

एक गाम में किशोर नाम के एक आदमी रहैत छल I ओ चक्क़ू-छुरी तेज करबाक काज करैत छल I किशोर अप्पन साइकल सँ गाम-गाम जाईत आ मीठ-मीठ स्वर में गबैत , लोक के चक्क़ू-छुरी तेज करबाक, आमंत्रण दैत छल I दिन भरि काज कs कs, ओ अप्पन जीवन यापन करबाक लायक़, धन इकट्ठा कs लैत छल I ओकर जीवन बहुत मजा सँ कटि रहल छल I ओ अप्पन काज सँ बहुत प्रेम करैत छल, एहि सँ ओ बेसी काल अप्पन काज में लागल रहैत छल I एक बेरी किशोर, एक रिहायशी इलाका में पहुंच कs, अप्पन अंदाज़ में गीत गायब प्रारंभ कs देलक I ओकर गीत सुनि कs,बच्चा सभ ओ तन ठाढ़ भs गेल आ एक लड़का अप्पन मोबाइल सँ किशोर के गीत गबैत वीडियो रिकॉर्ड कs लेलक आ ओकरा अप्पन सोशल मीडिया अकाउंट में, शेयर कs देलक I किशोरक मज़ेदार गीत, सोशल मीडिया पर प्रसिद्ध भs गेल I ओकर गीत पर कतेक मीम बनs लागल I

देखैत-देखैत किछु दिन के अंदर, किशोर सेलिब्रिटी बनि गेल | लेकिन किशोर,एहि बात सँ एकदम अनजान, अप्पन धुन में गली मोहल्ला जा कs, अप्पन चक्क़ू-छुरी के धार तेज करबा के काज में लागल रहल | एक दिन किशोर, एक ट्रैफ़िक सिग्नल के लsग ठाढ़ भs कs, अप्पन अंदाज़ में गीत गाबि रहल छल आ किछुये देर में , देखैत-देखैत ओकर चारु तरफ़ लोक मोबाइल लs कs ठाढ़ भs गेल आ ओकर वीडियो बनाबs लागल I लोक के भीड़ सँ गाड़ी सभ के लाइन लागि गेल आ ओकरा हटाबs लेल पुलिस के अतिरिक्त जवान मौका पर पहुँचि गेल I किशोर समझ नहि पाबि रहल छल कि ओकर गीत सुनि कs एतेक लोक, कियेक जमा भs रहल छैथ ? तखने पुलिस के किछु लोक किशोर के लsग आबि कs कहलनि, “ अहाँ अप्पन गीत-गान बजेनाई सड़क सँ दूर राखू,एतय जाम नहि लगाउ I तखन किशोर कहलक – “हम तs अप्पन काज करैत छी I हम केकरो एतs नहि बजेलौं” | तखन किछु लोक पुलिस के कहलनि कि ई तs सोशल मीडिया स्टार छैथ I हिनकर वीडियो तs हर जगह वायरल भs चुकल अछि I लेकिन किशोर ई बात सुनि कs, आश्चर्य सँ देखs लागल I किशोर जल्दी सँ अप्पन सामान उठा कs,ओतs सँ चलि देलक I लेकिन भीड़ ओकर पीछा करैत रहल I किशोर कोनो तरहें हुंनका सभक नज़रि सँ ओझल भs कs दूर आबि गेल I वीडियो वायरल भेला सँ, किशोरक जीनाई दूभर भs गेल छल I ओ जतs जाईत छल, लोक ओकर वीडियो बनेनाई प्रारंभ कs दैत छलाह I किशोर लोक सँ एतेक तंग आबि चुकल छल कि ओ मुँह में कपड़ा लगाकs, अप्पन काज में निकलs लागल |

लेकिन तैयो, कोई न कोई ओकरा पहचानिये लैतs छल I किछु दिन तक, अहिना चलैत रहल I लेकिन आब किशोर के घमंड आबs लागल I ओ लोक सँ ग़लत तरीका सँ पेश आबs लागल I एतेक तक कि लोक यदि ओकरा वीडियो बनाबs लेल कहैत छल तs ओ हुंनका सँ पैसा चार्ज करs लागल I किशोरक ग़रीबी देखैत लोक ओकरा आब ऑनलाइन पैसा पठा कs मददि करs लगलाह I देखैत-देखैत किशोर के लsग काफी पैसा जमा भs गेल I आब किशोर अप्पन काज पर गेनाई छोड़ि देलक I किशोर जखन अप्पन घर सँ निक लैत छल, तs एना लगैत छल जेना कोई नवका वर जा रहल होअय I जखन कोई किशोर के विडियो बनाबs चाहैत छल, तs ओ अप्पन मुँह छुपा लैत छल आ ओतs सँ भागs लगैत छल I किशोर के माथा में सेलिब्रिटी हेबाक भूत चढ़ि गेल छल कि ओकरा हर जगह महसूस होईत छल कि लोक ओकरे देखि रहल छैथ आ ओ पागल के तरह हरकत करs लागल I धीरे-धीरे किशोर के रवैया अजीब होबs लागल आ ओकर मानसिक स्थिति बिगड़s लागल I ओकर पड़ोसी सभ ओकरा अस्पताल लs जाs कs भर्ती करा देलनि I किशोर बहुत दिन के इलाज के बाद, अप्पन वास्तविक स्थिति में वापस आबि गेल | लेकिन ओ अप्पन काज करबाक तरीक़ा बिसरि चुकल छल,ओकरा फेर सँ अप्पन पुरान काज में लौटबाक छल I वीडियो वायरल के वजह सँ, किशोर के पूरा ज़िंदगी नाटकीय तरीका सँ बदलि चुकल छल I लेकिन किशोर अप्पन पिछला ज़िंदगी में जाय चाहैत छल I किशोर समझि चुकल छल कि ओकरा वास्तविक ज़िंदगी ओकरा ख़ुशी दs सकैत अछि I दिखावटी जीवन तs किछु समय धरि सँग रहत I