धैर्य राखब, जीत निश्चित जायब हम

नै घबरायब हम अन्हार सँ,
नै डरब नै करब पथ सँ विचलन,
धैर्य सहनशीलता के ताकत सँ,
हम सदैव जीवन जीबैत रहलौं,
जीत कहियो तs अवश्य पायब हम,
जीत कहियो तs अवश्य पायब हम I

अप्पन जीवन सँ कखनो नै थाकब हम,
हृदय में हौसला जीतबाक राखब हम,
विषम परिस्थिति सँ,
लड़ियो कs जीत जायब हम,
जीत कहियो तs अवश्य पायब हम,
जीत कहियो तs अवश्य पायब हम I

नियम के,न्याय के कदम सँ,
श्री राम जेकाँ धैर्य राखब हम,
सहनशीलता, मर्यादा के सँग चलब हम,
अप्पन लक्ष्य के अवश्य पायब हम,
जीत कहियो तs अवश्य पायब हम,
जीत कहियो तs अवश्य पायब हम I