सफलताक कथा
मात्र पैघ-पैघ योजना बना लेब आ क्रियान्वयन करय लेल तत्परता नहि देखायब…. तखन अहाँ कहियो सफल नहि भऽ सकब। आर, योजना सेहो छोट, लक्ष्य सेहो छोट आ बिना कोनो किन्तु-परन्तु सीधा क्रियान्वयन करब शुरू करू, सफलता भेटब सुनिश्चित अछि।
कथा ‘मैथिल अड्डा – कनेक्ट टु मिथिला’ केर सफलताक
पिछला १ दिसम्बर बंगलौर केर कोरमंगला मे ७ गोटे बैसिकय अपन मिथिलाक जन-जन केँ जोड़बाक एकटा नव तरीका सोचैत छथि आर ठीक ऐगला वीकेन्ड सँ योजना पर चलबाक महत्वपूर्ण कार्य आरम्भ कय दैत छथि। जेना कि पहिने कहने छी – मैथिल अड्डा लाभार्जन हेतु बनल एक सोशियो-इकोनोमिकल ओर्गनाइजेशन थिक। एकर लाभ मैथिली-मिथिला लेल समर्पित होयत। पहिल बैसार सँ मैथिल अड्डा ३६०० टका केर व्यवसाय कयलक आ २०% मुनाफा ‘मिथिलाकोष’ मे जमा भऽ गेल। टको सँ पैघ पूँजी लोकमानस मे मातृभूमि लेल समर्पण करबाक आ एकजूटताक भाव एबाक काज होबय लागल। ७ सँ बढिकय १२ पर संख्या पहुँचि गेल। आर, एहि तरहें उद्यमशीलता मे सेहो मैथिली-मिथिला अपन युनिक पैटर्न पर एकटा नीक ‘स्टार्टअप’ आरम्भ कय लेलक। जतेक बढैत चलब, ततेक मस्तिष्क आ कार्यदक्षता बढैत जायत, यैह मिथिला लेल कहियो नहि मेटाय वला पूँजी ठाढ करत।
आर, परसू शनि दिन, १५ तारीख (दिसम्बर) निश्चित ई संख्या बंगलौर केर लाखों मैथिल मे सँ कम सँ कम २० त निश्चित पार कय जायत। आर ई बढबाक सिलसिला सब दिन कायम रहत। हमरा पराम्बा जानकीजी सँ संकेत भेटि रहल अछि जे बहुत जल्द ई पूँजी निर्माण कार्य पूरे भारत आ नेपाल संग अन्य-अन्य देश मे रहनिहार मैथिल लोकनि बीच अत्यन्त लोकप्रिय भऽ जायत। दिल्ली मे सेहो ई विषय बुराड़ी महासम्मेलन मे प्रवेश कय चुकल अछि, बस चिन्तन आ मनन लेल ओ लोकनि किछु आर समय प्रतीक्षा करय लेल कहलनि अछि। दिल्लीक अन्य क्षेत्र मे सेहो मिथिला कीचन केर किनको आइडिया हुअय, त जरूर सम्पर्क करी। मैथिल अड्डा – कनेक्ट टु मिथिला ऐप्प सँ अहाँ केँ जोड़िकय घरे बैसल-बैसल एकटा निश्चित उद्यमी बना देत आर अपना संग-संग अहाँ मिथिला-मैथिली लेल किछु लाभार्जन कय सकब। अहाँ रोजगार देबैक लाखों मिथिलाक लोक केँ, गारन्टी बुझू। 🙂
फिलहाल जुड़ने के लिये आप इस पेज को लाइक करें, अपने मित्रों से शेयर भी करें। यदि आप इस मुहिम में हमारे साथ जुड़ना चाहते हैं तो अपना व्हाट्सअप नंबर भी कमेन्ट बौक्स में जरूर दें।
https://www.facebook.com/MaithilAdda/
हरि: हर:!!
