सहरसाक प्रसिद्ध पत्रकार धर्मवीर गुप्ता नहि रहलाह

सुभाषचंद्र झा, सहरसा। फरबरी १५, २०१७. मैथिली जिन्दाबाद!!

पत्रकार धर्मवीर गुप्ता पंचतत्व में भेलाह विलीन

सहरसा केर पत्रकारिता युगक एकटा चर्चित व्यक्तित्व धर्मवीर गुप्ताक देहावसान स जे खालीपन आयल अछि तेकर भरपाई कठिन अछि । वर्तमान में कौमी तंजीम उर्दू अखबार केर संवाददाता व छायाकार छलाह ओहि स पूर्व आर्यावर्त, प्रदीप, हिन्दुस्तान, नवभारत टाइम्स में सेहो काज कयलनि । संगहि शहर में रूपकला स्टुडियो के माध्यम स समाज के सेवा कयलनि ।

समाजसेवी गुप्ता केर निधन स पत्रकारिता जगत में शोक केर लहर व्याप्त अछि । सुपर मार्केट स्थित पत्रकार क्लब में शोक सभा आयोजित कय हुनका श्रद्धांजलि देल गेल । मैथिली जिन्दाबाद डॉट कॉम सेहो अश्रुपूर्ण श्रद्धांजलि दय नमन करैत अछि । आई पुरा समाज पत्रकारिता के मिलनसार, सहनशील, समर्पित पत्रकार के श्रद्धा सुमन अर्पित कयल ।