रवीन्द्र भारती, खजौली। फरबरी १०, २०१७. मैथिली जिन्दाबाद!!
राति खजौली बाज़ार स्थित एक चुड़ा मिल में आगिलग्गी सँ सब सम्पत्ति खाख मे मिल जेबाक दुखद समाचार भेटल अछि । एस्बेस्टस केर मकान सहीत सब मशीन आ धान-चुड़ा आदि जैरकय खख्स्याह भऽ गेल ।
मिल मालिक मनियरवा निवासी संजय सिंह केर कहब अयि जे काल्हि सायंकाल ७ बजे दोकान बंद कय ओ घर चलि गेल छलाह । राति ३ बजे स्थानीय लोक खबैर देलकैन जे अहाँक चुड़ा मिल मे भयंकर आगि लागि गेल अछि । ओ जा धरि ओतय पहुँचला ता धरि सब सम्पत्ति जैर गेल छल । आगि सँ लगभग ३ – ४ लाखक संपत्ति जैर जेबाक रिपोर्ट थाना मे दर्ज करौलनि आर आशंका ईहो प्रकट कएलनि जे कोनो आपराधिक तत्त्व द्वारा जानि-बुझिकय आगि लगाओल गेल जखन कि पुलिसक तफ्तीश सँ पता लागल जे आगि चुड़ा मिल केर भट्ठी सँ पसरल । मिल मालिक द्वारा अज्ञात व्यक्ति पर खजौली थाना आ अंचल अधिकारी खजौली केर पास प्राथमिकी दर्ज करावोल गेल । मिल मालिक केर एकमात्र व्यवसाय लअ दअ कअ छेलैन ओ आब पुर्ण रुपेण असहाय भऽ जेबाक बात सेहो कहलनि ।
