रवीन्द्र भारती, खजौली, मधुबनी। जनवरी २१, २०१७. मैथिली जिन्दाबाद!!
आइ २१ जनवरी २०१७ नशा मुक्ति दिवसपर बिहारक मुख्यमंत्री द्वारा विश्वक सबसँ पैघ मानव श्रृंखला बनेबाक वादा मुताबिक प्राथमिक विद्यालय कन्हौलीक प्रधानाध्यापक शिव कुमार सिंह सहायक सुरेश कूमार एवं सब छात्र-छात्रा लोकनि हाथ में मशाल लय गाम आबादी क्षेत्र मे प्रभात फेरी करैत समाज केँ नशा मुक्त रखबाक आह्वान कएलनि। संगहि प्रधानाध्यापक सिंह आम ग्रामीण जनमानस सँ एहि मुहिम मे संग देबाक अनुरोध सेहो कएलनि। गामक आम जनता केँ नशा मुक्त समाज निमार्ण लेल आजुक दिवस अत्यन्त प्रेरित कय रहल बात गामक आम जनताक मुंहे सुनल जा रहल अछि।
विदिते अछि जे शराबबन्दी कय केँ बिहारक जनता मे एकटा नव क्रान्ति करबाक श्रेय मुख्यमंत्री नीतीश कुमार केँ पहिले सँ भेट रहल अछि। आजुक दिवस विश्व मे एकटा नव कीर्तिमान बनेबाक आह्वान सेहो आह्लादकारी अछि। आसपासक गाम सब सँ सेहो आजुक एहि ऐतिहासिक दिवस पर विभिन्न विद्यालयक अगुवाई मे मानव श्रृंखला बनब शुरू हेबाक जनतब भेट रहल अछि।
