शिक्षक दिवस पर बिहारक नियोजित शिक्षक द्वारा भूख हड़ताल

सुभाषचंद्र झा, सहरसा। सितम्बर ४, २०१६. मैथिली जिन्दाबाद!!

एक दिस काल्हि ५ सितम्बरकेँ समूचा देश मे शिक्षाक अलख जगौनिहार डॉ. सर्वपल्ली राधाकृष्णन केर जयंतीक अवसर पर ‘शिक्षक दिवस’ केर रूप मे मनाओल जायत, ओतहि बिहारक ४ लाख नियोजित शिक्षक काल्हिक दिन भूख हड़ताल करताह ।

नियोजित शिक्षक संघक प्रदेश महासचिव निरंजन कुमार कहलनि जे राज्य सरकार हमरा सबहक साथ नाइंसाफी कय रहल अछि संगहि वादाखिलाफी करैत पुर्व में भेल समझौता केँ दरकिनार करैत शिक्षक सब केर वेतन रोकने अछि । श्री कुमार कहलनि जे हमरा सबहक माँग नहि मानल गेल त हमसब आबयवला समय मे विधानसभाक घेराव करब।