नई दिल्ली, अगस्त १८, २०१५. मैथिली जिन्दाबाद!!
राष्ट्रपति प्रणब मुखर्जी केर पत्नी शुभ्रा मुखर्जीक देहावसान आइ भोरे १० बाजिकय ५१ मिनट पर भऽ गेलनि। ओ ७४ साल केर छलीह आ दिल केर मरीज छलीह। पिछले हफ्ता प्रणब ओडिशाक यात्रा पर गेल छलाह, तखनहु पत्नी शुभ्रा केर तबीयत बिगड़ि गेला सँ हुनका अपन दौरा बीच मे रद्द कय लौटय पड़ल छलन्हि।
शुभ्रा पैछला कतेको वर्ष सँ सार्वजनिक मौका पर भी नहि देखायल छलीह। कतेको वर्ष सँ ओ बीमार छलीह और बढ़ैत उम्र केर वजह सँ तबियत मे सुधार सेहो नहि आबि रहल छलन्हि। दुइ हफ्ता पहिले अस्पताल मे भर्ती करेलाक बाद पैछला ९ दिन सँ ओ वेंटिलेटर पर छलीह।
मैथिली जिन्दाबाद केर तरफ सँ हुनकर पुण्यात्माक लेल चीर शान्तिक प्रार्थना!!
