सुमन समाज, बनगाँव, सहरसा। जून २, २०१८. मैथिली जिन्दाबाद!!
काल्हि दिनांक १ जून २०१८ केँ सहरसाक प्रसिद्ध होमियोपैथी चिकित्सक, सेवानिवृत पोस्टमास्टर तथा समाजसेवी डॉ0 एल. एन. झा आइ एहि दुनिया सँ विदा भऽ गेलाह। गंगजला चौक स्थित आवास पर ओ अपन जीवनक अंतिम साँस लेलनि।
पूर्व विधायक संजीव झा हुनक आवास पर पहुँचि हुनकर पार्थिव शरीर पर श्रद्धांजलि सुमन अर्पित करैत कहलनि जे स्व. झा एकटा नीक चिकित्सक होयबाक संग-संग पूर्णरूपेण समर्पित समाजसेवी छलाह। बिहारक पूर्व मुख्यमंत्री डॉ0 जगन्नाथ मिश्रा केर अभिन्न सहयोगी सेहो रहल छलाह। एक मानवाधिकार कार्यकर्ताक रूप मे शहरक विभिन्न सामाजिक एवं राजनितिक गतिविधि सब मे सदिखन अग्रणी भूमिका मे नजरि आबथि।निश्चित रूप सँ हुनकर हमरा लोकनिक बीच सँ चलि जायब सहरसा सहित कोशी मे चिकित्सा, सामाजिक एवं राजीनीतिक जगत वास्ते अपूरणीय क्षति थिक। ईश्वर सँ हुनकर आत्माक शांति हेतु कामना करैत छी।
