हिन्दी बचाओ अभियान द्वारा मैथिली सहित अन्य मौलिक भाषा पर प्रहार अनुचित आ अबैध

विचार

– प्रवीण नारायण चौधरी

हालहि ‘हिन्दी बचाओ अभियान’ केर एक अभियानी द्वारा मैथिली भाषाक स्वतंत्र अस्मिता पर कठोर प्रहार कएल जेबाक प्रकरण सोझाँ आयल अछि। ओ व्यक्ति हिन्दीक हितैषी कथमपि नहि भऽ सकैछ जे हिन्दी केँ पोषण देनिहार विभिन्न मातृभाषाक अस्मिता पर सवाल ठाढ करय। एहि विषय मे बहुत रास तर्क-कूतर्क सब सोझाँ आबि रहल अछि। एक सँ बढिकय एक साहित्यकार, भाषाविद् लोकनि अपन विरोध आ पक्ष मे विचार राखि रहला अछि। प्रथमतः अमर नाथ नाम्ना ओहि अभियानीक विचार केँ कूतर्क मानि जबाब देबा योग्य नहि बुझने रही। परञ्च आइ हुनकर एक आरो लेख पढल जाहि मे मगही द्वारा अष्टम् अनुसूची मे स्थानक मांगपर पुनः तेहने कमजोर तर्क राखि एक तरहक उकसाबयवला पोस्ट पढि लेलहुँ। एहि क्रम मे अमर नाथ केँ लिखल पत्र निम्न अछि।