प्रवासी मिथिला समाज कल्याण द्वारा फेरो सहयोग अनुरूप २५ हजार नगद डोमी महरा केँ समर्पित

रविन्द्र उदासी माली, दोहा, कतार। जून १२, २०१७. मैथिली जिन्दाबाद!!

प्रबासी मिथिला समाज कल्याण दोहा कतार द्वारा फेर सँ कैल गेल पुनित काज

यैह मिति २०७४ जेठ २८ गते रैब दिन गोल बजार नगरपालिका हबेली टोल निवासी श्री डोमी महराक बेटीक बियाह मे ‘पहल नेपाल’ केर प्रतिनिधि तथा समाजसेवी श्री सरोज राय केर अध्यक्षतामे २५००० (पचीस हजार) नगदी सहयोग कैल गेल अछि । ‘पहल नेपाल’क प्रतिनिधि सरोज राय, युवा अभियानी रियाज साफी, मास संयोजक सरोज मिश्र आ पत्रकार तथा बाँसुरीवादक श्री घनश्याम मिश्र अपन अमूल्य समय दय केँ समाज सँ छुआछुत आ तथा वर्गीय विभेद अन्त करबाक लेल डोमी महरा चमार केर घर पहुँचल छलाह । डोमी महरा केँ अपन सम्पत्ति केर नाम पर किछुओ नहि छन्हि आर हुनका सात गो बेटिये टा भेलाक कारण परिवार तक चलेबा मे बहुत कठिनाई केर सामना करय पड़ैत छन्हि। एहेन अवस्था मे बेटीक बियाह करबा मे समस्या झेलब आरो पीड़ादायी होयबाक मर्म केँ आत्मसात करैत “प्रवासी मिथिला समाज कल्याण”क दोहा कतार द्वारा ई सहयोग कएल गेल अछि ।

विदित हो जे फेसबुक मार्फत ध्यानाकर्षण करबैत डोमी महराक समस्याक बारे प्रवासी मिथिला समाज कल्याण – दोहा केर नजरि मे ई विषय पहुँचल छल आर आवश्यक सहयोग करबाक निर्णय कएल गेल छल । पहिने सेहो मधेश आन्दोलन मे शहादति देनिहार सप्तरी भारदह केर राजीव राउत केँ 1,11,111 एक लाख, एगारह हजार एक सय एगारह टकाक सहयोग प्रदान कएल गेल छल । संगहि मठिया -6 रौतहट निबासी राज किशोर ठाकुर केँ 66,000 छियासठि हजार,  महोत्तरी बखरीक अमित कापर केँ 51,000 एकाबन हजार आ तहिना धनुषा अरेरबा केर दिलिप यादब केँ 51,000 एकाबन हजार पठाओल गेल छल त कुसमाहा सतोसरकेँ कतार मे Qmmc कम्पनी सेपटी आ लिफ्ट चलबयवलाक लापरबाही सँ 25 तला सँ गिर कय मारल गेल ज्याबुल हक राइन केर लास बहुत संघर्ष के बाद पठाओल गेल छल। धनुषा जिल्लाक सतोषर निवासी श्री सिरिया राय अमात केँ 50000 पचास हजार सहयोग कैल गेल छल ।

प्रवासी मिथिला समाज कल्याणक सदस्य सब मे 1 – रबिन्द्र उदासी माली 2 – बिश्व बन्धु यादब 3 – मनिस कुमार राय 4 – देनेश महरा 5 – साहिल मधेसी 6 – बैद्यनाथ यादब 7 – धनेश्वर ठाकुर 8- बिन्देश्वर ठाकुर 9 -अबदुल रजाक राईन 10 – अनसारुर राईन 11 – प्रमेश्वर यादब 12 -रंजित कुमार मालि 13 – गुरुदियाल 14 – शिव शंकर मंडल 15 – बिजय यादब 16 – असरफ राईन 17- जिवछ माली 18- रुदल मुखिया 19- भरथ यादब 20- राम अधीन यादब 21 – सत्रुधन मुखिया 22- बेचन महतो 23 – अशोक सहनी 24- रामानन्द गुप्ता लगायत के सदस्य सब छैथ।