बाज नै सकयवाली (बौकी) महिला भेल बलात्कृत
अशोक कुमार सहनी, दोहा कतार, मैथिली जिन्दाबाद!!
चैत–१६ गते, महोत्तरी जिल्लाके सोनमा गाउँपालिका रहनिहारि एक महिला बलात्कृत भेली अछि । बाज नै सकयवाली करीब ३८ वर्षक सोनमा गाउँपालिका ४ रहनिहारि महिलाक वैह गामक एक वृद्ध लोक बलात्कार कएलक से आरोप लागल अछि ।
सोनमा गाउँपालिका रहनिहार ६० वर्ष के मुसा नदाफ बलात्कार कएलक ई पीडितक परिवारजनसभ आरोप लगौलक अछि । महिंस चराबय मरहा नदीमे गेल बेर नदाफ बलात्कार कएलक कहल गेल अछि । बलात्कार पश्चात पीडित परिवारजनके ओ बात बतौलाक बादो परिवारजनसभ शुरुमे किछ बुझि नहि सकल, मुदा बाद मे पीडिताक बेर-बेर इशारा कयलापर ई भेद खूजल आर तदनुसार प्रहरी केँ खबैर कएल गेल ।
महिला बलात्कृत भेल खबर पओलाकबाद रघुनाथपुर प्रहरी चौकीके प्रहरी नायव निरीक्षक झलक घिमिरेक कमाण्डमे खटल टोलीसभ घटना सम्बन्धी छानविन शुरु कएने आ पीडितकेर मेडिकल जाँच वास्ते अस्पताल पठौने अछि। एम्हर आरोपी अभियुक्त घर सँ फरार होयबाक समाचार सेहो आयल अछि ।
