कैलाश कुमार यादव, दुबई। नवम्बर ५, २०१६. मैथिली जिन्दाबाद!!
नवम्बर ४ तारीख दुबई केर डीआइसी-२ लेबर कैम्प मे अपन मिथिला सेवा समाज नेपाल केर बैसार राखल गेल छल। एहि बैसार मे परिचय-पाती भेला बाद संस्थाक स्थापना करबाक उद्देश्य पर प्रकाश देलाक बाद सहभागी जनमानस मे सँ कुल ४२ नव लोक सदस्यता ग्रहण केलनि।
मात्र दुइ गोट समाज सेवाक भावना सँ जुड़ल व्यक्तिक अग्रसरता मे आरम्भ कैल गेल ई संस्थागत प्रयास केर पूर्ण परिचय पेला बाद अधिकांश लोक एहि मुहिम संग जुड़िकय अपन मिथिला समाज लेल योगदान देबाक इच्छा व्यक्त कएलनि। ई जनतब दैत अध्यक्ष कैलाश यादव मैथिली जिन्दाबाद न्युज पोर्टल केँ धन्यवाद प्रकट केलनि जे विगत मे सेहो एहि मुहिम केर सम्बन्ध मे विस्तार सँ आम जनमानस केँ जनतब करौने छल। ओ कहलैन जे दुबई मे मैथिली जिन्दाबाद वेब न्युजपोर्टल काफी लोकप्रिय अछि आर ई अपन मिथिलाक लोक लेल एकटा नव सहारा केर काज सेहो करैत अछि। अपन मिथिला सेवा समाज नेपाल केर विभिन्न गतिविधि पर सविस्तार समाचार सब प्रकाशित करैत रहला सँ ई अभियान जल्दी सफलता पाओत से विश्वास दियौलनि अछि कैलाश यादव।
