दरभंगा, अक्टुबर ४, २०१६. मैथिली जिन्दाबाद!!
आइएनबी सिस्टम द्वारा सर्वसाधारणक बजट मे आबयवला विन्डोज १० एलइडी एचडी टेलिविजन राजकुमारगंज – दरभंगा मे आइ लॉन्च कैल गेल अछि। एहि लांचिंग समारोह केर विशिष्ट अतिथि भारत सरकारक पूर्व मंत्री देवेंद्र प्रसाद यादव छलाह। कमलेश संग निर्माता सेल्स और सर्विस लेल स्ट्रेटेजिक अलायन्स केने अछि – ओ अतिथि केर स्वागत करैत आजुक लांचिंग कार्यक्रम आरम्भ केलनि। नीरज कुमार दास – निर्माता कंपनीक फाउन्डर द्वारा विशिष्ट अतिथि यादव केँ पुष्प गुच्छ दैत सम्मानित कैल गेल छल।
एहि अवसर पर देवेन्द्र यादव कहलेन जे ई एकटा क्रन्तिकारी प्रोडक्ट थीक जे गरीब-गुरबा सेहो कीनबाक सामर्थ्य राखत, टेलिविजन आ कंप्युटर दुनू एक्के संग हेबाक कारण एकर मल्टी परपस साधारण जनमानस केँ सेहो आधुनिक कंप्युटर युग, इन्टरनेट आ संचार संग जोड़त। ओ कहलैन जे एहेन कम बजट मे बेसी लाभ देबयवला बेसी उत्पाद बनेबाक आवश्यकता भारत सन देश मे रहल अछि। एहि सँ देश मे नव डिजिटल क्रांति केर शुभारम्भ होयत, ई एक एहेन प्रोडक्ट अछि जे शिक्षा केर क्षेत्र काफी उपयोगी होयत। लांचिंग पर ओ स्वयं सेहो प्रोडक्ट केर डेमो देखलनि आ संतोष व्यक्त केलनि।
कमलेश सर्विस व गुणस्तर लेल उपभोक्ता केँ आश्वस्त केलनि। प्रोडक्ट केँ सुदूर गामो धरि पहुँचेबाक प्रतिबद्धता प्रकट केलैन। कोनो तरहक सर्विस सदिखन उपभोक्ता केँ भेटतनि तेकर गारंटी अछि – ओ कहलैन।
निर्माता कंपनीक संस्थापक नीरज एहि टीवी कम कंप्युटरक फीचर बतबैत कहलैन जे एहि कोम्पटीवी मे ग्राहक केँ एकटा एचडी एलइडी टेलिविनजनक संग विन्डोज १० कंप्यूटर सेहो भेटैत अछि, जाहि मे इंटेल केर क्वाडकोर प्रोसेसर १.३३ मेगाहर्ज केर स्पीड आ २ जीबी केर रैम तथा ३२ जीबी केर स्टोरेज क्षमता सेहो उपलब्ध अछि। एखन कोम्पटीवी ३ अलग-अलग तरहक उपलब्ध अछि। २१ इंच, २६ इंच आ ३२ इंच कर्व्ड, स्टार्टिंग दाम १४,५९९ टका अछि। आरो बेसी जानकारी लेल वेबसाइट www.INBsystems.com पर जाकय देखल जा सकैत अछि। टीवी केर डेमो दरभंगाक राजकुमारगंज स्थित सर्विस सेंटर पर आबिकय सेहो देखल जा सकैत अछि।
