लहान, सितम्बर १०, २०१६. मैथिली जिन्दाबाद!!
मिथिला आ मैथिलीक लेल समर्पित मिथिला स्टूडेन्ट युनियन नेपाल अपन स्थापनाकालक एक वर्ष पूरा कय दोसर वर्षमे प्रवेश करय लागल अछि। एहि अवसरपर वार्षिक वर्षगाँठ आ साधारण सभाक आयोजन आप लहान मे होमय जा रहल अछि।
एहि समारोह मे वर्षगाँठक कार्यक्रम, साहित्यिक गोष्ठी, सांस्कृतिक कार्यक्रम, नयाँ कार्यसमिति चयन कैल जायत। रौनियार अतिथि सदन लहान ८ मे १० बजे सँ कार्यक्रम आरम्भ कैल जायत। मैथिलीक प्रसिद्ध साहित्यकार एवं अभियानी धीरेन्द्र प्रेमर्षि सहित अन्य गणमान्य अतिथिक सहभागिता सुनिश्चित अछि। मैथिली जिन्दाबादक सम्पादक प्रवीण नारायण चौधरीक सेहो उपस्थिति एहि कार्यक्रम मे रहत।
