रबिन्द्र उदासी, माली, दोहा, कतार। मैथिली जिन्दाबाद!!
प्रवासी मिथिला समाज कल्याण दोहा कतार द्वारा फेर सँ कैल गेल पुनित काज ।
इहे मिति ३१ जुलाई, २०१६ तारीख केँ हाल सबैला नगर पालिका 4 कुसमाहा सतोषर 1 निबासी सिरिया राय अमात केँ नगद 50,000/-, (पचास हजार टका) प्रबासी मिथिलाक प्रतिनिधि श्री राम उदगार यादब जी द्वारा हस्तान्तरण कैल गेल ।
सिरिया राय अमातक आर्थिक अबस्था बहुत नाजुक अछि, हुनका पास जम्मा तीन धुर घरारी आ ओ अपने पाँच बर्ष सँ पेट केर बिमारी सँ ग्रसित रहबाक कारण कोनो रोजी-रोटी पर्यन्त नहि कमा सकैत अछि। हुनकर बेटि समुन्द्री राय अमात दोसर केर घर मे बंर्तन बासन मैजकय दुगो भाइ आ बाप केर गुजारा करबैत आइब रहल अछि।
इहे अषार मे भारी बर्षा आ आँधीबिहारि स जे घर छल सेहो टुइट गेल छल । एहेन निःसहाय गरीब परिवार केँ आर्थिक मदद देबाक पुण्य कार्य प्रवासी मिथिला द्वारा कैल गेल अछि।
बिगत मे अइ स पहिने मधेस आन्दोलन मे पुलिस द्वारा मारल गेल सप्तरी भार्दह केर राजिब राउत जी केँ 1,11,111 एक लाख, एघार हजार एक सय एघार केर सहयोग रकम उपलब्ध कराओल गेल छल । मठिया -6 रौतहट निबासी राज किशोर ठाकुर केँ सेहो एहि प्रवासी मिथिला द्वारा 66,000 छियाष्ठी हजार केर सहयोग देल गेल छल । मोहतरी बखरी अमीत कापर केँ 51,000 एकाउन्न हजार आ तहिना धनुषा अरेरबा केर दिलिप यादब केँ 51,000 एकाउन्न हजार पठाउल गेल छल त, कुसमाहा सतोसरेके कतार मे Qmmc कम्पनी सेफ्टी आ लिफ्ट चलबबला के लापरबाही सँ 25 तला सँ गिर क मरल ज्याबुल हक राइन केर लास बहुत संघर्ष के बाद स्वदेश पठेबाक पुनीत कार्य सेहो प्रवासी मिथिला द्वारा कैल गेल छल ।
प्रवासी मिथिला समाज कल्याणक निम्न लिखित सदस्य सँ सहयोगक रकम संकलन करैत ई पुनीत कार्य कएलक अछिः 1 – रबिन्द्र उदासी माली 2 – बंसि यादब 3 – मनिस कुमार राय 4 – बिश्वबंधु यादब 5 – साहिल मधेसी 6 – बैद्यनाथ यादब 7 – सहमुदिन राइन 8- नबल महतो 9 -मोहमद अफरोज 10 – मोजिबुल राइन 11 – परबेज आलम 12 -प्रतोस यादब 13 – शिबदयाल यादब 14 -राम सुन्दर मंडल 15 – बिजय यादब
