अपने मिथिला भूमि सँ प्यार छैः अशोक सहनी

चलु परदेशी जिनगी ओइपार छै
जिनगी के रस्ता आब तैयार छै
अधूरा सपना सँ सजल संसार छै
अपने मिथिला भूमि सँ प्यार छै
चलु परदेशी….

डेग-डेग पर आब दुश्मन तैयार छै
गली में चिचियाबैत मिथिलानि नार छै
ई अँधेरा काल के एक रूप छै
रौशनी में जगमगाति मिथिलानि नार छै
चलु परदेशी…..

के अपन जीनगी जि क’ मैररहल छै
सब के अपने जीनगी सँ प्यार छै
ढोंगी सब लूटि रहल अपन देश छै
मिथिला वासी सब देखि कs लाचार छै
चलु परदेशी…

बहुत जल्दबाजी में एतs सरकार छै
आगु आरो लुटाइ के रस्ता तयार छै
किछु मिथिला वासी के मजबूरियाँ छै
नै त’ मिथिला वासीके हाथमें तलवार छै
चलु परदेशी…

✍अशोक कुमार सहनी
लहान ४ रघुनाथ पुर
हाल – (दोहा क़तार )