गौर, रौतहट, असार ५ गत्ते, २०७२ वि.सं.। मैथिली जिन्दाबाद!!
मधेश मिडिया मिशनद्धारा संचार कानुन तालिम सम्पन्न
संचार कानुन सम्बन्धित दुइ दिवसीय तालिम रौतहटमे सम्पन्न भेल अछि । मधेस मिडिया मिसन नेपालक आयोजनामे शुक्रबारसँ शुरु भेल दुइ दिनक तालिम शनि दिन सम्पन्न भेल । एहि तालिममे विभिन्न जिल्लाक दुइ दर्जन पत्रकार सहभागी भेलाह ।
मिसन रौतहटक अध्यक्ष शैलेन्द्र झाक सभाध्यक्षतामे नेपाल पत्रकार महासंघ रौतहटक अध्यक्ष शैलेन्द्र गुप्ताक प्रमुख अतिथ्यमे कार्यक्रम सुसम्पन्न भेल अछि । सहभागी सबकेँ समापन कार्यक्रममे प्रमाणपत्र सेहो वितरण कैल गेल।
सिरहासँ तालिममे सहभागी पत्रकार नरेश बरबरिया सहित अन्य दुइ दर्जन पत्रकार सबकेँ प्रमाणपत्र प्रदान कैल गेल अछि। अचारसंहिता मे उद्धृत नीति अनुरूप सत्य-तथ्य तथा निष्पक्ष समाचार लेखन तथा सम्प्रेषण करबाक उद्देश्य सहित तालिम देल जेबाक जानकारी मधेस मिडिया मिशन रौतहटक अध्यक्ष शैलेन्द्र झा सँ भेटल ।
