विदित हो जे .भारत डोमेन बिल्कुल .कौम जेकाँ देवनागरी लिपि प्रयोग करयवला सब भारतीय भाषा लेल पिछला वर्ष सँ शुरु कैल जा चुकल अछि। ई प्रक्रिया भारतीय लिपि व भाषा केर मान्यताकेँ विश्व स्तर तक पहुँचेबाक लेल कैल गेल अछि। क्रमश: अन्य मान्य भारतीय भाषा जेना बंगला, उड़िया, तमिल आदि जेकर लिपि देवनागरी सँ भिन्न छैक ताहु लेल .भारत डोमेन उपलब्ध कराओल जायत। एहि सँ जन-जन मे देवनागरी लिपि मे लिखल सामग्री इन्टरनेट द्वारा देखल जा सकैत अछि। जानकारी करबैत राजीव कुमार झा मैथिली जिन्दाबाद केँ सेहो अपन डोमेन डौट भारत पर बुक करेबाक अनुरोध कएलनि। ओ वचन देलनि जे बाकी डिजाइनिंग आदिक कार्य ओ अपन प्राविधिक मित्र लोकनिक सहयोग सँ निर्माण करा देता। लेकिन उपलब्ध सुविधाक उपयोग मैथिली भाषा मे कैल जा रहल वेब प्रोग्रेस केँ .भारत सँ जोड़ि कार्य कैल जाय।
