नव वर्ष २०१७ आर मैथिल कवि लोकनिक नव उपहार ‘कृति’

नव वर्ष २०१७ केर शुभकामना मैथिली जिन्दाबाद केर समस्त पाठक लोकनि!

मैथिली भाषा चौजुगी जीययवला भाषा कियैक थीक से बेर-बेर स्पष्ट करैत आबिये रहल छी, एक बेर फेर कहय मे कोनो हर्ज नहि – मिथिलाक लोक अपन विद्याबल सँ सृजनशीलता श्रृंगार करय मे विश्वक विभिन्न सभ्यता मे अपना केँ बहुत आगू रखने छथि आर मैथिली भाषा मे अवसरपर तऽ लेखन काज होइते अछि, बिना अवसरहु मैथिली लेखकक कलम रुकैत नहि अछि, अविरल लेखनधारा सँ मैथिली भाषा सदा-सदा जियैत रहल, जियैत रहत। बाल्मीकि अपन रामायण मे जहिना संकेत मे कहलैन अछि जे हनुमानजी अपहृत जानकी सँ लंका भेंट करय जाएत छथि, ओतुका अवस्था देखैत छथिन जे सब कियो सीता केँ डेराबय-धमकाबय मे लागल अछि जे कोहुना ओ रावण केँ वरण करय लेल सहमत भऽ जाएथ…. जखन कि सीता अपन नजरि रामक अनुपस्थिति मे जेना झुकौलनि से धरि कहियो नहि उठा सकलीह… तेहेन सन अवस्था मे हनुमानजी अपना केँ जानकीक सोझाँ कोना प्रकट करता, कोन भाषा मे बात करता जाहि सँ हुनका ई विश्वास होएन जे हनुमानजी सेहो कोनो मायावी राक्षस आ रावणक लोक नहि भऽ रामक दूत थिकाह… आर तहिया ओ मैथिली भाषा (मानुषी भाषा) मे बात कएलनि। एहि ऐतिहासिक तथ्यक बाद बुद्ध धर्म आ जैन धर्म सँ जुड़ल शास्त्र-पुराण मे मैथिलीक चर्चा प्राकृत – अवहट्ट आदिक रूप मे कैल गेल अछि। पुनः ज्योतिरिश्वर आ विद्यापति सँ होएत चन्दा झा आदिक युग मे अबैत मैथिली अपन पूर्ण विकसित आधुनिक रूप मे हमरा सभक सोझाँ विद्यमान अछि। मैथिली जिन्दाबाद प्रयास कय रहल अछि जे विभिन्न अवसर पर मैथिली रचनाकार सभ जे सोसल मीडिया पर अपन कृति शेयर करैत छथि तेकर संकलन करैत चली। एहि क्रम मे आइ नव वर्ष २०१७ पर निम्न रचना, जाहि मे हमरो एक रचना अछि तेकरा नव वर्षक उपहार रूप मे एतय राखि रहल छी।

१. प्रवीण नारायण चौधरी, संपादक, मैथिली जिन्दाबाद – हालः विराटनगर