———नारी———
– झा महेश ‘डखरामी’
☆
रे ! रे! मानुष आबहुं जाग
हमही तोहर सकल अनुराग
फोलि नयन तू करय मनन
हमही वर्तमान भविष्य भाग
☆
हम आदि अनादि कर्तारी छी
हमही सकल श्रृजन धारी छी
हम सर्वस्व जीव आस एक
हम मातु समस्त दुखहारी छी
☆
हम अर्धनारिश्वर त्रिपुरारी छी
श्रेष्ठ समर्पण छवि गांधारी छी
सम्पूर्ण जखत अछि हमरे अंश
हम वेष्टित वेश मुरलीधारी छी
☆
हम लक्ष्मी लखिमा ललिता छी
हमही सती सावित्री सीता छी
महाकाल कृपाल सब दसोदास
हमही कालिका खप्परधारी छी
☆
हम भगिनी भार्या मातारी छी
हम पूजाक मंगलमय थारी छी
हम सती शची भवतारी छी
फोल मनक आँखि हम नारी छी
☆
॥ जयतु मैथिली ॥
1 Comment
वाह ! वाह ! बड्ड नीक,बेजोड़ !,./हमही आँगन केर फुलबारी छी,….हमही शोभा सुन्दर प्यारी छी,……..हमही माया हमही भार्या,..हमही सकल गुण अधिकारी छी ।…..हम नारी छी !!