दिलीप झा, मधुबनी। मैथिली जिन्दाबाद, २२ मार्च, २०१५। मधुबनी जिला प्रशासन द्वारा बिहार दिवस पर आयोजित सर्वभाषा कवि सम्मेलन केर आयोजन कैल गेल छल। एहि सम्मेलन मे कुल ४० कवि कविता वाचन कएलनि। एहि मे २६ कविता मैथिली भाषा मे छल। विदित हो जे पूर्व मे प्रशासनक दखल सँ मैथिली केँ मंच तक नहि देल जाइत छल, मुदा आब वातावरण मे परिवर्तन आबि रहल अछि। मधुबनी बदलि रहल अछि। मैथिली लेल ई ‘अच्छे दिन’ केर संकेत मानल जा सकैत अछि।
