विराटनगर, ३० मई, २०२२ । मैथिली जिन्दाबाद!!
हालहि सम्पन्न स्थानीय निकाय चुनाव मे निर्वाचित विराटनगर मेयर नागेश कोइराला तथा उपमेयर शिल्पा निराला कार्की केँ विराटनगर के बहुत रास सामाजिक संस्था सब द्वारा सम्मान कार्यक्रम आयोजित कयल जा रहल अछि। काल्हि रवि दिन २९ मई २०२२ केँ मोरंग व्यापार संघ द्वारा मेयर-उपमेयर सहित कुल १९ वार्ड के वडाध्यक्ष केँ संघ के सभागार मे सम्मानित कयल गेलनि, संगहि हुनका सब के कार्यकाल सफलतापूर्वक चलय ताहि लेल शुभकामना सेहो देल गेलनि। संघ द्वारा २० बुन्दे सुझाव पत्र दैत विराटनगर महानगरपालिका के मेयर-उपमेयर सँ कार्य करबाक निवेदन सेहो कयल गेल।
