दुर्गा पूजाक सुअवसर पर लांचिंग होयत ‘मिथिलानी विशेष टीशर्ट’ – मोदीश ब्ल्यू सीईओ झा

दिल्ली, २४ सितम्बर, २०१८. मैथिली जिन्दाबाद!!

हालहि प्रकाशित ‘मिथिला स्लोगन विशेष’ टी-शर्ट केर बाद आब किछुए दिन मे मोदीश ब्ल्यू द्वारा मिथिलानी सभक लेल विशेष ‘स्लोगन’ सहितक ‘टी-शर्ट’ केर लांचिंग कयल जेबाक समाचार भेटल अछि। मैथिल उपभोक्ता मे मोदीश ब्ल्यू केर टी-शर्ट प्रति बढैत रुझान तथा महिला समाज द्वारा हुनका सभक वास्ते सेहो किछु विशेष प्रस्तुति तैयार करबाक खास अनुरोध पर ई पहल कयल जा रहल अछि, सीईओ प्रबोध झा कहलनि। श्री झा मैथिली जिन्दाबाद प्रति आभार प्रकट करैत मैथिली-मिथिला अभियान वास्ते विशेष सुविधा दर पर विभिन्न संस्थागत प्रयास मे समर्पित संघ-संस्थाक डिमान्ड अनुसार काज करबाक लेल वचनबद्धता सेहो प्रकट केलनि।