निराजन झा, काठमांडु। मैथिली जिन्दाबाद, मार्च २९, २०१५.
मैथिल ब्राह्मण सभा – काठमांडु केर केन्द्रीय सदस्य बिघ्नेश झा केर भूकंप मे मृत्यु होयबाक दुखद खबड़ भेटल अछि। विघ्नेश झा अत्यन्त मिलनसार आ मैथिली-मिथिलाक संग-संग मैथिल ब्राह्मणक संस्कार आ सम्मान लेल सदिखन सक्रिय रूप सँ कार्यरत रहला। विदित हो जे संपूर्ण नेपाल मे अलग-अलग ठाम पर जाय सैकड़ों बरुआ केँ सामूहिक जनेउ संस्कार दियेबाक कार्य हिनका सबहक संस्था द्वारा कैल जाइत अछि। शोक-संतप्त परिवार लेल धैर्य धारण करबाक सामर्थ्यक संग पुण्यात्मा केर शान्ति लेल प्रार्थना कैल गेल अछि।
दिवंगत विघ्नेश ३२ वर्ष केर छलाह। अपन माता-पिताक संग पत्नी तथा दुइ पुत्री आ दुइ भाइक संग काठमांडु मे रहैत छलाह। भोटेबहाल, पिपल बोट मे देबाल खसबाक कारणे हिनक मृत्यु होयबाक समाचार अछि।
