रवीन्द्र भारती, खजौली, मधुबनी। जनवरी १९, २०१७. मैथिली जिन्दाबाद!!
खजौली बाजर मे ७ दिवसीय भगवत पुराण वाचन स्वामी हृदय नाथ शात्री द्वारा दिनांक १८.०१.०१७ सँ प्रारम्भ भेल अछि जाहि मे भक्त-श्रद्धालू लोकनिक भारी भीड़ जुटि रहला अछि।
स्वामी शास्त्री केर एहि सँ पहिले ७ दिवसीय कार्यक्रम कन्हौली पंचायत मे भेल छल। कन्हौली और अगल बगल केर श्रोता स्वामीजीक विशिष्ट प्रवचन शैली सँ पूर्ण भक्तिमय भऽ गेल छलाह। पुनः एहि क्षेत्र मे स्वामीजीक दोसर भागवत कथा प्रवचन सुनबाक लेल पैछला १३ तारीख कन्हौली मे सेहो श्रोता बनल अमरनाथ प्रसाद स्वर्ण व्यवसायी (राजनगर) सँ खजौली आबि एहि भागवत पुराण कथाक आनन्द मे सराबोर होयबाक बात कहैत छथि। पूरा पंडाल खचाखच भरल रहैत अछि।
ई आयोजन खजौली बजार केर आम जनमानस सब मिलिकय रखलनि अछि जाहि सँ समाजक लोक मे धर्मप्रति झुकाव बनल रहय।
