रियाध (सउदी अरब) – २८ दिसम्बर, २०१६. मैथिली जिन्दाबाद!
सेवे करब धर्म थीक - एहि उक्ति पर निरंतर चलैत आबि रहल ‘मिथिला एकता समाज, सउदी अरब’ ऐगला चरण मे बाल अनाथ आश्रम मे आर्थिक सहयोग प्रदान केलक अछि।
मिथिला एकता समाज सउदी अरब द्वारा जनकपुर उपमहानगरपालिका वार्ड न. ८ ज्ञानकुम्भ रत्नसागर स्थित श्री कबिर सदगुरु बाल अनाथ आश्रम केर निर्माणाधीन भवनकेर निर्माण कार्य लेल ५१,००० (एकावन हजार) टका प्रदान कैल गेल अछि। ई रकम नेपाल प्रहरी केर उपस्थिति मे समाजक उपाध्यक्ष जनकपुरधाम निवासी सुनिल साह केर हाथ सँ बाल अनाथ आश्रम केर संचालक संत सत्य नारायण आलोक केँ हस्तान्तरण कैल गेल। एहि सहयोगक लेल समाजक सम्पूर्ण पदाधिकारी एवम् सदस्य सब केँ हार्दिक धन्यवाद दैत अध्यक्ष सुनील प्रसाद गुप्ता आगामी समय मे सेहो सामाजिक दायित्व प्रति प्रतिबद्ध रहबाक वचन देलनि।
