आइ मिथिला कतय धरि जिबैत अछि – दहेज मुक्त मिथिला सर्वे २०२०

२३ अगस्त २०२० । मैथिली जिन्दाबाद!!

काल्हि २२ अगस्त २०२० दहेज मुक्त मिथिला फेसबुक समूह पर एकटा सर्वेक्षण कयल गेल। एहि सर्वेक्षण मे मिथिलाक गाम आ जिलाक लोकक बीच एकटा समन्वय स्थापित करबाक मुख्य अभिप्राय अछि। ओना आजुक समय मे मिथिला सांस्कृतिक-भाषिक तौर पर दुइ देशक सीमा मे पंजाब, बंगाल आ तमिल जेकाँ विभाजित अछि। लेकिन भारत आ नेपाल केर बीच खुल्ला सीमाना एवं आइ धरि विवाह सम्बन्ध सामान्य रूप सँ निरन्तरता मे रहबाक कारण एकटा अलग विशिष्टता कायम अछि। मिथिला अहु पार मे, मिथिला ओहु पार मे, विभिन्न जाति-समुदायक साझा फुलबारी केर रूप मे शोमायमान अछि। जहिना एतुका लोकसंस्कृति अदौकाल सँ वेद अनुसार चलबाक बात कहल जाइत अछि तहिना आइयो भूगोलविहीन मिथिला अरूपो रहैत रूप मे कायम अछि तेकर जीवन्त प्रमाण थिक ई सर्वे। एखन करीब २४ घन्टाक अवधि मे एक बन्द समूह केर लगभग २८००० सदस्य बीच करीब ४०० गोटे अपन परिचय दय चुकला अछि। एहि सहभागिता मे मिथिलाक्षेत्रक लौकिक परिचय प्राप्त होइत अछि। आइयो जतय मिथिला जीबित अछि, जाहि ठामक लोक मे जनक-जानकी प्रति पूर्ववत् लगाव छन्हि से स्पष्ट अछि। सीधे फेसबुक सँ कौपी कय केँ एतय पेस्ट कय रहल छीः