और, जे पहिने सँ व्यंग्य मे कहैत आबि रहल छी, झा चन्दन - मिथिलाक एकमात्र कार्टूनिस्ट द्वारा एहि विषय पर कार्टून सेहो बनायल गेल छल.... ई देख लियौक जे हमरा लोकनिक युवा आब मिथिलाक पहिचान लेल कोन तरहें अल्हुआ-सूथनी-कटहर-केसौर केर फोटो देखा मिथिलाक पहिचान सुरक्षित रखबा लेल टाइम लगा रहल छथि। टाइम पास मिथिला केर पौदान नंबर ५ पर!! आधुनिक विज्ञानक युग – टेलिविजन आ मोबाइलक युग
इन्टरनेट सँ जुड़ल युग – हाथे-हाथ मे फेसबुकक युग
सौ मे सँ ९५ यूजर टाइम पास मिथिला – ५ गो टा काजक मिथिला!!
आउ, एम्हरो एक नजरि देल जाउ!!
ब्रज भूषण बाबु एखन सासूर गेल छथि। धिया-पुता केँ छोटी लाइन सँ लैत गामक आवोहवाक परिचय करा रहल छथि। सारि-साढूक संग सासूरक मजा सँ फेसबुकिया माहौल केँ धकधकेने छथि। टाइम पास मिथिला टप रैंकिंग पर हिनकर फोटो केँ चुनल गेल। बधाई ब्रजभूषण बाबु!!
मिथिला बाढिग्रस्त क्षेत्र मानल जाइत अछि। एतय जगह-जगह जलजमाव क्षेत्र भेटैत अछि। ताहि ठाम डोकी जेकरा भोजनक रूप मे सेहो प्रयोग कैल जाइछ, ताहिक संग एक युवा अपन मिथिलाक पहिचान ताकि रहल छथि कतहु परदेशसँ। मिथिलाक अनुपम लोकसंस्कृतिक ई सब नमूना फेसबुक पर वर्तमान समय बहुत उपयोगी बनि रहल बुझाइत अछि। टाइम पास मिथिला केर टप-रैंकिंग मे नंबर दुइ पौदान पर छथि।
आर… ई देखू… ई सौरभ बाबु सेहो हमरा सबहक मिथिलाक एक शान युवा थिकाह…. हिनका हास्य क्षेत्र मे योगदान बेसी रहैत अछि। हँसबयवला नक्षत्र मे जन्म भेल छन्हि। बड़ा रुचिगर फोटु सब मे मिथिला तकैत छथि। एतय दूलहाक विवाहपर उपयोग मे अबयवला महंग कपड़ा सँ हीन बतबैत फूल-माला सँ सजल देखौलनि अछि, आ कल्पना कय रहल छथि जे कहीं एहि दूल्हाक सारि सब कोनो बकरी-छकरी छोड़ि दैन तऽ सौरव बाबु केँ मजा आबि जेतनि, कियैक तँ… बुझिते छियैक!! मिथिलाक हास्यरस सँ सराबोर युवाजनक संकलन, टाइम पास मिथिलाक पौदान नंबर ३ पर अछि।
ब्रज भूषण बाबु फेर सँ – मिथिलाक असल पहिचान माछ-मखान-पान मे सँ एक आ सेहो इचना-पोठीक एहि झाँकीक संग… सासूरक मजे एहि माछक संग किछु आर छैक। टाइम पास मिथिलाक पौदान नंबर ४ पर!
और, जे पहिने सँ व्यंग्य मे कहैत आबि रहल छी, झा चन्दन – मिथिलाक एकमात्र कार्टूनिस्ट द्वारा एहि विषय पर कार्टून सेहो बनायल गेल छल…. ई देख लियौक जे हमरा लोकनिक युवा आब मिथिलाक पहिचान लेल कोन तरहें अल्हुआ-सूथनी-कटहर-केसौर केर फोटो देखा मिथिलाक पहिचान सुरक्षित रखबा लेल टाइम लगा रहल छथि। टाइम पास मिथिला केर पौदान नंबर ५ पर!!
