धन्य छथि मैथिल मिथिलावासी – प्रभाकर झा प्रवीण केर मिथिलावादी अभियानी प्रति समर्पण

धन्य छथि मैथिल – मिथिलावासी

सुनि – सुनि क कान अछि पाकल ,
मैथिल सब के करनी सँ ।
मुन होइए जे भागि हम जैतहुँ ,
छोड़ि – छाड़ि ई नगरी के ।।

जक्खन देखु, तखने कुचिष्टा,
आर नै हुनका किछु छैन देखाइत।
सब काज मे कमी गिनाबथि,
देखि क हमरा किछु नै फूड़ाय॥

सब चीज मे राजनीति देखैत छथि,
चमकायत लोक डर छैन बनल ।
सौंसे मिथिला जागि गेल अछि ,
जानि क आन्हर ई छथि बनल ॥

यौ बौआ अहाँ भाभट समटू,
नै करू अहाँ बुद्धि बद्धिया ।
चलए दिअ जे काज चलैत छै,
नै त अगुवा बनि क देखाउ ॥

से त अहाँ के पार नै लागत,
सबटा हम जनैत छी यौ ।
जतेक चाटी पोन पर चलैत छै,
तबला पर नै चलैत छै यौ ॥

धन्य छथि मैथिल – मिथिलावासी,
लागल छथि ओ आठो पहर ।
देख रहल छथि देवा सबटा,
जल्दी सुनेता, नीक खबर ।।

मिथिला हमरा चाही जल्दी,
भेटत एकदिन अछि विश्वास ।
चाहे विद्यापति, चाहे उगना के,
आबए पड़तैन फेर मिथिला ॥

मो. – 9864014440