भोज मे आगू, रण मे पाछू मैथिल जनमानस

‘भोज में आगू , रण में पाछू’ रहब

– बी एन झा, वरिष्ठ संस्कृतिकर्मी, मधुबनी, मिथिला

भोज में आगू, रण में पाछू रहब, एकर भावार्थ भेल ‘लाभ में आगाँ, संघर्ष में पाछाँ’ रहब । कहल जैत अछि जे जाति या समुदाय जेहन दर्शन में विश्वास राखैत अछि ओहने ओकर स्वभाव बनि जैत छैक । आचरण के संग-संग साहित्य सेहो तेहने बनि जैत छैक । मैथिल समुदाय में पीढ़ी दर पीढ़ी स आबि रहल ई विनाशकारी शिक्षा तेहन भयावह स्थिति उत्पन्न क देने अछि जे आइ तक मैथिल अस्मिताक ओहेन निर्माण नहिं भऽ सकल जेहेन बंगाली, असमिया, गुजराती सिन्धी आ उड़िया आदि केर भेलैक अछि । आजादी के लगभग 70 वर्षक बादो जे मिथिला क्षेत्रक एहन दीन – हीन अवस्था बनल अछि ताहि में बहुत अधिक योगदान एहि महामंत्र केर छैक ।