मिथिला मध्यम परिक्रमाक तैयारी आरम्भ

पन्द्रह दिनक परिक्रमा अन्तर्गत पहिल दिन कुवा हनुमाननगर, दोसर दिन मधुबनी जिलाक कलना स्थित कल्याणेश्वर महादेव स्थान, तेसर दिन मधुबनीक फूलहर स्थित गिरिजास्थान, चारिम दिन महोत्तरी जिलाक मटिहानी, पाँचम दिन जलेश्वरनाथ महादेव स्थान (जलेश्वर), छठम् दिन मडै, सातम दिन ध्रुवकुण्ड, आठम दिन कञ्चनवन, नवम दिन पर्वता, दसम दिन धनुषाधाम, एगारहम दिन सतोखर, बारहम दिन औरही, तेरहम दिन करुण (भारत) आर चौदहम दिन बिसौल (भारत) केर यात्राक बाद अन्तिम दिन अर्थात् पन्द्रहम दिन जनकपुरधाम आबिकय अन्तरगृह परिक्रमा मे परिणति पाबि जाएछ। एत्तहि आबिकय मिथिलाक मध्यम परिक्रमाक बिसर्जन कैल जाएछ।

स्वयं भगवान् आर भगबतीक डोली संगक ई पन्द्रह दिनक यात्रा विशेष फलदायी होयबाक कारण सुप्रसिद्ध तीर्थक रूप मे सुस्थापित अछि।