अहुँ केँ चाही सोना?

नैतिक कथा

– उपनिषद्

(अनुवाद: प्रवीण नारायण चौधरी)

कोनो जंगल मे एकटा स्वर्णशिला पड़ल छल। दुइ गोट घुड़सवार ओतय आबि गेल। चूंकि दुनू गोटा एक्के समय पहुंचल छल, ताहि हेतु दुनू ओहि स्वर्णशिला पर अपन-अपन अधिकार जतौलक। पहिले वाक् युद्ध भेलैक और अंततः तलवार खिंचा गेलैक। क्षणे भरि पहिल तक दुनू एक-दोसर केँ जानितो तक नहि छल। दुनू गोटाक मन निर्द्वंद्व छलैक। मुदा स्वर्णशिलाक लोभ दुनू केँ एक-दोसराक दुश्मन बना देलक। कनियेकाल मे तलवारो एक-दोसराक आर-पार भऽ गेल। दुनू नौजवान ओतहि ढेर भऽ गेल।

कनीकालक बाद ओहि राह पर एकटा महात्मा एला। ओहो स्वर्णशिला देखिकय चमत्कृत भऽ गेला। बिसैर गेल कि ओ त्यागी-तपस्वी छथि। स्वर्ण केर चमक मे हुनका नौजवानक शव तक नहि देखौलनि। ओ युक्ति लगाबय लगला जे कोना ओहि शिला केँ उठाकय अपन झोपड़ी मे पहुंचाबथि। तखनहि ओतय छह टा चोर आबि गेल। महात्मा ओहि चोर सब सँ कहलनि कि ओ सब शिला केँ हुनकर झोंपड़ी तक पहुंचा देत तऽ ओ ओकरा सबकेँ पर्याप्त धन देता। चोर हँसलक आ बाजल – हम सब अहीं केँ ऊपर पहुंचा दैत छी, फेर तऽ सबटा धन हमरे सबहक भऽ जायत। चोर सब ओहिना केबो केलक।

चोर सब आपस मे निर्णय केलक जे ओ सब ओहि शिला केर छह खंड करैत बांटि लेत, मुदा समस्या भेलैक जे शिला केर छह खंड करय कोना? अंत मे ओ सब एकटा सोनार लंग पहुंचल। सोनार सँ ओ सब कहलक जे ओ ओहि शिलाक छह खंड कय दियऽ, ओकरा यथोचित पारिश्रमिक देल जायत। चोरक बात सुनिकय सोनारो केँ लोभ आबि गेल। ओ पूरा शिला अपने हजम करबाक लेल ललचा उठल। ओ चोर संग चलबा सँ पूर्व छह टा लड्डू तैयार केकज और ओहिमे विष मिला देकज। तेकर बाद ओहि लड्डू केँ संग मे राखि ओ ओहि चोरबा सबहक संग जंगल मे पहुंचि गेल।