मैथिली सुन्दरकाण्डः लंका वर्णन, लंकिनी वध, लंका मे प्रवेश

भावार्थ : अनेकों प्रकारक वृक्ष फल-फूल सँ शोभित अछि। पक्षी आर पशु सभक समूह केँ देखिकय ओ मनहिमन (खूब) प्रसन्न भेलाह। आगू मे एक विशाल पर्वत देखिकय हनुमान्‌जी भय त्यागिकय ओहिपर दौड़िकय जा चढ़लाह॥४॥

भावार्थ : (शिवजी कहैत छथि-) हे उमा! एहि मे वानर हनुमान्‌ केर कोनो बड़ाई नहि छैक। ई प्रभु केर प्रताप थिक जे कालहु केँ खा जाइत अछि। पर्वत पर चढ़िकय ओ लंका देखलथि। अत्यन्त पैघ किला छल जेकर सम्बन्ध मे कहब कठिन अछि॥५॥

भावार्थ : ओ अत्यंत ऊँच अछि, ओकर चारू दिश समुद्र छैक। सोनाक परकोटा (चहारदीवारी) केर परम प्रकाश भऽ रहल अछि॥६॥

भावार्थ : विचित्र मणि सँ जड़ल सोनाक परकोटा अछि, तेकर अंदर बहुते सौम्य-सुंदर घर अछि। चौक-चौराहा, हाट, सुंदर बाट आर गली सब अछि, सुन्दर नगर बहुतो प्रकार सँ सजायल अछि। हाथी, घोड़ा, गदहाक समूह तथा पैदल और रथ केर समूह केँ के गानि सकैता अछि! अनेकों रूप केर राक्षस सभक दल छैक, ओकर अत्यंत बलवती सेना वर्णन करैत नहि बनैत अछि॥१॥

भावार्थ : वन, बाग, बगीचा, पोखरि, इनार और झील सब सुशोभित अछि। मनुष्य, नाग, देवता और गंधर्वक कन्या सब अपन सौंदर्य सँ मुनियो लोकनिक मन केँ मोहि लैत अछि। कतहु पर्वत केर समान विशाल शरीर वाला बड़ा हि बलवान्‌ मल्ल (पहलवान) गरैज रहल अछि। ओ सब अनेकों अखाड़ा मे बहुतो प्रकार सँ भिड़ैत अछि और एक-दोसर केँ ललकारैत अछि॥२॥

भावार्थ : भयंकर शरीर वाला करोड़ों योद्धा यत्नपूर्वक (बड़ी सावधानी सँ) नगर केर चारू दिशा मे (सब दिश सँ) रखवाली करैत अछि। कतहु दुष्ट राक्षस महींस, मनुष्य, गाय, गदहा और बकरा केँ खा रहल अछि। तुलसीदास द्वारा एकर सभक कथा एहि वास्ते मात्र थोड़बे कहल गेल अछि जे ई सब निश्चय टा श्री रामचंद्रजी केर बाणरूपी तीर्थ मे शरीर केँ त्यागिकय परमगति पाओत॥३॥

भावार्थ : नगर केर बहुसंख्यक रखवार केँ देखिकय हनुमान्‌जी मन मे विचार कयलनि जे अत्यंत छोट रूप धरब और रातिक समय नगर मे प्रवेश करब॥३॥

भावार्थ : हनुमान्‌जी मच्छड़ केर समान (छोट सन) रूप धारण कय नर रूप सँ लीला करनिहार भगवान्‌ श्री रामचंद्रजी केँ स्मरण कय केँ लंका लेल चललाह। (लंका केर द्वारि पर) लंकिनी नाम केर एक राक्षसी रहैत छल। ओ कहलक- हमर पुछारि (बिना हमरा सँ पूछने) कतय चलि जा रहल छेँ?॥१॥

भावार्थ : हे मूर्ख! तोरा हमर भेद नहि पता छौक, जतय धरि चोर सब अछि ओ सब हमर आहार थिक। महाकपि हनुमान्‌जी ओकरा एक मुक्का मारलनि, जाहि सँ ओ खूनक उल्टी करैत ओतहि ओंघरा गेल॥२॥

भावार्थ : ओ लंकिनी फेर अपना केँ संभारिकय उठेलक आर डरक मारे हाथ जोड़िकय विनती करय लागल। (ओ बाजल-) रावण केँ जखन ब्रह्माजी वर देने छलाह, तखन जाइत समय हमरा ओ राक्षस केर विनाश केर यैह पहिचान बता देने छलाह जे -॥३॥

भावार्थ : जखन तूँ बंदर केर मारला सँ व्याकुल भऽ जाएं, तखन तूँ राक्षस सभक संहार भेल बुझि लिहें। हे तात! हमर बहुते पुण्य अछि जे हम श्री रामचंद्रजी केर दूत (अहाँ) केँ नेत्र सँ देखि पेलहुँ॥४॥

भावार्थ : हे तात! स्वर्ग और मोक्ष केर सब सुख केँ तराजू केर एक पलड़ा पर राखल जाय, तैयो ओ दुनू मिलिकय (दोसर पलड़ा पर राखल गेल) ओहि सुख केर बराबर नहि भऽ सकैत छैक जे क्षण मात्र केर सत्संग सँ होइत छैक ॥४॥

भावार्थ : अयोध्यापुरी केर राजा श्री रघुनाथजी केँ हृदय मे राखने नगर मे प्रवेश कय केँ सब काज करू। ओकरा लेल विष अमृत भऽ जाइत छैक, शत्रु मित्रता करय लगैत छैक, समुद्र गायक खुर बराबर भऽ जाइत छैक आर अग्नि मे शीतलता आबि जाइत छैक॥१॥

भावार्थ : और हे गरुड़जी! सुमेरु पर्वत ओकरा लेल धूरा समान बनि जाइत छैक, जेकरा श्री रामचंद्रजी एक बेर कृपा कय केँ देखि लैत छथिन। तखन हनुमान्‌जी सेहो बहुते छोट रूप धारण कयलनि आर भगवान्‌ केर स्मरण कय केँ नगर मे प्रवेश कयलनि॥२॥

भावार्थ : ओ एक-एक (प्रत्येक) महल केर खोज कयलनि। जहाँ-तहाँ असंख्य योद्धा देखलनि। फेर ओ रावण केर महल मे गेलाह। ओ अत्यंत विचित्र छल, जेकर वर्णन अनेरो संभव नहि॥३॥

भावार्थ : हनुमान्‌जी फेर ओहि (रावण) केँ शयन कयने देखलनि, परंतु महल मे जानकीजी नहि देखाइ देलीह। फेर एक सुंदर महल देखाय देलकनि। ओतय (ओहिठाम) भगवान्‌ केर एक अलग मंदिर बनायल गेल छल॥४॥