रोचक आ प्रेरणादायक रचना – भाग २

बेटी मे शिक्षाक अनिवार्यताक किछु विन्दु पर ध्यान देब आवश्यक अछिः

१. बेटी क शिक्षा सबसँ बेसी जरूरी य हुनका स्वाबलम्बी बनेबाक लेल।

२. हुनकर जिन्दगी मे जे जीवनसाथी एथिन हुनका समझय के, आर हुनकर साथ तालमेल बैसाकय अपन गृहस्थी चलाबय लेल।

३. ओ विवाहक बाद जे नबका घर मे प्रवेश करती हुनका आगाँ नबका-नबका लोक, नबका माहौल, हुनकर बात-विचार, व्यवहार समझय के हुनका पास ज्ञान होइन्ह।

हम सब चाहय छी जे हमर बाल-बच्चा सब शिक्षित रहथि कि हुनका किछु समझय मे दिक्कत नहि रहनि। नीक-बेजा हर परिस्थिति केँ सम्हारय लेल हुनका मे क्षमता रहनि। ओ केकरो पर निर्भर नहि रहथि। संयोग सँ अगर जिन्दगी मे कखनहुँ हुनका खराबो परिस्थिति क सामना करय पड़नि त ओ सक्षम रहथि, नीक-बेजा सोचय के हुनका मे ज्ञान रहनि। जखन हुनकर विवाह हेतनि त नया लोक सब सँ हुनकर सामना हेतनि और ओ हुनका लोकनि केँ बढियाँ जेकाँ समझथि, ओ सासुरक सब सदस्य के गुण-अवगुण क अपना मानथि, ओ सासुर परिवार क अपन नैहरे जेकाँ सम्हारथि। एक बढियाँ जीवनसाथी बनि कय ओ रहथि और एक कुशल गृहिणी जेकाँ अपन वैवाहिक जीवन, अपन मान-मर्यादा, नैहर के मान-मार्यादा और सासुर के मान-मर्यादा राखथि। जय माँ जानकी!!