प्रधानमंत्री सँ सवाल-जबाब केनिहार कन्हैया कुमार अपना सँ सवाल-जबाब पर मारिपीट केलनि

एहि घटनाक बाद सँ पूरे इलाका मे तनाव अछि। किछु लोक केँ फट्ठाक मारि सँ कपार-कान फुटबाक आ अस्पताल मे इलाज करेबाक समाचार अछि। एहि सँ पहिनहुँ स्थानीय युवा कन्हैया कुमार केर देशद्रोही छवि आ भारत तेरे टुकड़े होंगे वला नाराक अलावे सवर्ण आरक्षण आदिक मामिला मे कन्हैयाक चुप्पी पर कतेको ठाम सवाल-जबाब आ नोंक-झोंक केर प्रकरण होइत रहबाक समाचार अछि। बेगूसराय सीट केँ जाहि तरहें भारतीय मीडिया हाईलाइट कय केँ रखने अछि, आर कन्हैया कुमार जाहि तरहक तल्खी सँ प्रधानमंत्री नरेन्द्र मोदी पर सवाल उठेबाक एकटा अपन छवि बनौलनि, तहिना ओतय सँ अपन विवादित बयान आ हिन्दू पक्षधर बात-विचार लेल प्रसिद्ध केंद्रीय मंत्री गिरिराज सिंह सेहो मैदान मे छथि, महागठबंधन केर तरफ सँ राष्ट्रीय जनता दल केर तनवीर हसन मैदान मे छथि – एहि सब कारण ई सीट मीडिया मे काफी चर्चा मे रहैत आबि रहल अछि।