मैथिल कन्याक हिन्दी फिल्म, फैशन तथा मिडिया मे दखल

sriti jhaआधुनिक समय मे हिन्दी फिल्म व धारावाहिक मे मैथिल कन्याकेँ खूब बढि-चढिकय स्थान भेटय लागल अछि। हालक किछु वर्ष मे टेलिविजनक स्टार सृति झा अपन अभियन व कला सँ देश मे करोड़ों प्रशंसक बनेबे केली, एहि वर्षक टेलिविजन दुनियाक कलाकार मे सर्वश्रेष्ठ अभिनेत्रीक खिताब सेहो हुनके देबाक समाचार अछि।

सृतिक अतिरिक्त आरो बहुत रास अभिनेत्री अलग-अलग धारावाहिक, फिल्म, फैशन, एंकरिंग आदि मे प्रमुखता सँ देशक आन क्षेत्रक कन्या सँ प्रतियोगिता मे आगाँ बढि रहली अछि। फिल्मक अतिरिक्त मिडिया एंकरिंग मे सेहो विभिन्न मैथिल कन्याक चर्चा जोर-शोर सँ कैल जाइछ।